Psikologia e maternitetit të Shkodrës: Nëna donte ta dërgonte fëmijën në jetimore

Psikologia e maternitetit të Shkodrës, Blerta Rroji ka folur në lidhje me ngjarjen e rëndë, të ndodhur disa ditë më parë, ku një 32-vjeçare hodhi foshnjen e saj në lumin Kir.

Për emisionin “Good Morning Albanians” në Euronews Albania, Rroji tha se nëna kishte deklaruar para lindjes, se donte që foshnjen ta dërgonte në jetimore.

Rroji nënvizoi se e ka takuar sërish 32-vjeçaren, pak pas procesit të lindjes.

“Nënën, Orionën, unë e kam takuar para se të lindë foshnjen e saj. Në momentin e takimit, gjatë intervistës që kemi bërë, bisedimeve që kemi bërë bashkë, Oriona u shpreh se donte ta linte fëmijën në shtëpinë e foshnjes. Në atë moment, njoftuam drejtorinë e befotrofit, e cila do të vinte më pas, pas lindjes për të bërë verifikimet.

Gjithashtu, u njoftua edhe drejtoria jonë e spitalit, sepse në repartin tonë ishte një nënë që nuk e kishte deklaruar atësinë, kishte ardhur e vetme. Më pas, nënën e kam takuar pas pak procesit të lindjes. Fillimi ishte ky, nëna deklaroi në momentin e parë që fëmijën donte ta çonte në befotrof”, theksoi ajo.

LEXONI GJITHASHTU

• Nëna hodhi foshnjën në lum, Malaj: Ngjarja tronditi themelet e familjes shqiptare
• Hodhi foshnjën në lumin Kir, 32-vjeçarja e pa martuar. Zbulohet me kë jetonte
• Dëshmia e 32-vjeçares që hodhi në lumë foshnjën e saj: Nuk e mbaja dot