Psikologia Muçaj: Sot mësuesit më shumë plotësojnë letra sesa merren me nxënësit

Psikologia Arjana Muçaj është shprehur se në shkolla mungon infrastruktura duke shtuar se mësuesit duhet të trajnohen dhe në pjesën teknologjike.

Në një intervistë për emisionin “Good Morning Albanians” në Euronews Albania, ajo theksoi se sot mësuesit kanë shumë ngarkesë në shkollë dhe sipas saj tashmë ato më shumë janë të fokusuar tek vetja se tek nxënësit.

“Ne na mungon infrastruktura nëpër shkolla. Trajnimi i mësuesve në pjesën e teknologjisë duhet të jetë i prekshëm, pra mësuesi ta ndjej vërtetë se ka marrë një informacion që i shërben jo vetëm atij por edhe për ta transmetuar tek fëmijët i kujtdo ciklit arsimor që ai i përket. Një mësues  e ka shumë të vështirë që të punojë dhe me një nxënës të klasës së parë, të pestë apo të 9.

Duam që mësuesit t’i kemi profesional në punën e tyre, të mos ngarkohen me burokraci. Mësuesit sot plotësojnë letra, sepse i kanë ngarkuar shumë. Janë më shumë të fokusuar tek vetja e tyre”- tha ajo.

LEXONI GJITHASHTU: 

• Mësuesja nga Elbasani: Edhe une shoh në Tik Tok por nuk ka informacione të sakta
• 1 në 3 fëmijë mësojnë më shumë nga videot e TikTok sesa në shkollë