“Publikoi videon e blerjes së votave”, Paloka: Është kërcënuar në punë anëtari i PD

Kryetari i këshillit kombëtar i Partisë Demokratike, Edi Paloka doli këtë të enjte në një deklaratë për mediat për të bërë një denoncim.

Sipas tij, një anëtar i Partisë Demokratike, i cili denoncoi me një video të fshehtë blerjen e votave është kërcënuar për shkak të videos së publikuar.

Dje në vendin e tij të punës, ku ai qëndron me taksi i kanë vajtur dy persona dhe e kanë kërcënuar, i kanë thënë “çfarë i ke bërë vetes me atë videon që ke nxjerrë”. Pra nuk mjaftohen që blejnë vullnetin e shqiptarëve, nuk mjaftohen me gjithë ç’kanë bërë për të mbajtur këtë pushtet të ndyrë, por duan edhe ti mbyllin gojën.

Jam këtu për ta denoncuar si rast e për të marrë në mbrojtje publike Lulzimin. Për ti thënë kujtdo që mendon se në mandatin e katërt Rama mund të bëjë ç’të dojë, e kanë gabim. E paralajmëroj që mos ta çoj ndër mend që mund të hakmerret ndaj atyre që nuk u shitën”,-tha Paloka.