Punonjësit e Call Center-ave në protestë, brenda 2 viteve u larguan 10 mijë të rinj

Ilir Xhemaliaj, kryetar i Sindikatës Kombëtare të Operatorëve Telefonikë, është shprehur se ditën e sotme protestuan dhe punonjësit e call centera-ve për të drejtat e tyre.

I ftuar në Euronews Albania, ai theksoi se pagat në këtë sektor që prej vitit 2010 nuk kanë ndryshuar.

Ndër të tjera Xhemaliaj tha se brenda dy viteve nga sektori i call centerave janë larguar 10 mijë të rinj.

“Protesta sot është një risi për sektorin tonë, një risi për sindikatat. Ne kërkojmë të drejta dhe paga shumë më të mira. Po të shohim në Tiranë dhe në Durrës, janë pagat e 2010. Që atëherë punonjësit e Call Center janë më të njëjtat paga. Të rinjtë po largohen, jemi në një sektor. Para pandemisë ishin 25 mijë punonjës në këtë sector, sot janë vetëm 15 mijë. 10 mijë të rinj kanë ikur  brenda dy viteve sepse nuk mund të mbajnë familjen e tyre”- tha ai.

LEXONI GJITHASHTU: 

• Fushatë e ashpër në Turqi| Erdogan: Do shkatërroj opozitën. Përgjigjet kundërshtari
• SHBA| Makina që fluturojnë e pemë që shkulen, pamje apokaliptike nga tornadoja