Kolonel Dritan Demiraj tha në një intervistë për Euronews Albania se nuk sheh asnjë objektiv të Putinit që të kalojë përtej kufijve, pasi nuk e ka fuqinë e duhur për ta bërë këtë.

Sipas tij, në luftën 2-vjeçare më Ukrainën, Rusia ka pësuar dëme të qenësishme në infrastrukturën ushtarake gjë që ja pamundëson Putinit një gjë të tillë.

“Unë besoj se në mënyrë absolute Putin nuk ka asnjë objektiv që të kalojë përtej kufijve, për të vetmen arsye se fronti në të cilën është përfshirë ushtria ruse është shumë i madh, territori në të cilin janë angazhuar jo më pak se 620 mijë trupa ruse dhe kuptohet humbja e tyre çdo ditë. Humbja e sasive të mëdha të tankeve dhe automjeteve të blinduara, së fundi 7-8 avionëve Sutri dhe 4 të zbulimit do të thotë që nuk ka mundësi dhe nuk shoh asnjë objektiv të Putinit për të kaluar përtej për arsye se nuk e ka fuqinë e duhur”, tha ai.

LEXONI GJITHASHTU:

• Putin: Dërgimi i forcave perëndimore në Ukrainë, rrezik për konflikt bërthamor
• Futja e NATO-s në Ukrianë, Putin: Retorikë që nxit përdorimin e armëve bërthamore