Stërmbesa e ish-liderit sovjetik, Nikita Krushov ka paralajmëruar se Rusia mund të jetë e përgatitur për të përdorur armë nukleare në Ukrainë.
Nina Krushova, profesore për marrëdhëniet ndërkombëtare në SHBA tha për BBC se Putin do të bëjë çdo gjë që është e mundur për të fituar luftën.
“Mendoj se kjo është lufta që Putini kërkon të fitojë dhe kërkon ta fitojë me çdo kusht. Nëse do t’i duhet të shpallë fitoren, ai mund të përdorë dhe armë nukleare taktike”, shprehet ajo.
Armët bërthamore taktike janë më pak të fuqishme se raketat me rreze të gjatë që u shfaqën gjatë epokës së Luftës së Ftohtë kur Nikita Krushov udhëhiqte Bashkimin Sovjetik.
Nina Krushova, një kritike e hershme e Putinit, thotë se Moska mund të përdorë këto armë për të shkaktuar efekt shkatërrues në Ukrainë.
Në mars, pak ditë pasi Rusia kishte kushtuar Ukrainën, Krushova tha se ndihej e turpëruar nga ky veprim duke shtuar se Nikita Krushova, gjyshi i saj, do ta cilësonte sulmin ‘të neveritshëm’.