Me 101 vota pro, asnjë kundër dhe asnjë abstenim, Kuvendi i Republikës së Maqedonisë së Veriut votoi dje qeverinë e re teknike të drejtuar nga ish-ministri i Brendshëm, Oliver Spasovski.

Pjesë e qeverisë së re do të jetë edhe Bujar Osmani. Kryeminitri i qeverisë teknike Oliver Spasovski u zotua se qeveria e drejtuar prej tij do të garantojë zhvillimin e zgjedhjeve të lira.

 Më tej Oliver Poposki theksoi se të gjithë institucionet duhet të vazhdojnë dinamikën e punës së brendshme për të granatuar progresin e vendit.

“Do bëjmë gjithçka që shteti jonë të vazhdojë me zhvillimin dhe të ketë zgjedhje të drejta dhe demokratike në mënyrë që qytetarët të marrin vendimin të lirë. Të gjithë institucionet të vazhdojnë me dinamikën e deritanishme të punës në mënyrë që të kemi zhvillim dhe përparim”-, theksoi kryeministri i sapozgjedhur.

Pas disa perplasjeve mes LSDM dhe VMRO DPMNE-së, minister i Brendshem do të jetë Naqe Çulev.

Qeveria teknike ka mandate prej 100 ditësh për të organizuar sa më mirë zgjedhjet e parakohshme parlamentare, që janë të planifikuara për më 12 prill të këtij viti.