“Rama i mallëngjyer nga pritja në Paris”, Burimi: Serbët e morën për ofendim…

Gazetari Genc Burimi komentoi në një intervistë për Euronews Albania vizitën e kryeministrit Edi Rama në Francë dhe pritjen që ju bë në pallatin “Invalid”.

Sipas tij, pritja që ju bë Ramës nuk ishte madhështore siç u pretendua, ishte e veçantë dhe vetëm spektakël.

Media serbe, theksoi Burimi, e mori për ofendim ceremoninë që ju bë Vuçiçit që ishte në Francë para Ramës, ndërsa për shqiptarët shihet si diçka e madhe.

“Kjo që ju bë nuk është bërë asnjëherë kurrë, nuk është as për mirë as për keq, është e veçantë. Para tij në Paris erdhi Vuçiç, në këtë moment Macron se ka shumë për nder të afishohet me këta liderë autokratë ballkanikë, jemi para zgjedhjeve ku ekstremi i djathtë ka mprehur shpata. simboli është, ka ende mend ku president francez të mendojë për integrimin kur ne nuk po dimë ku të fusim kokën.

Çfarë bën ai, i jep një bombone Vuçiç me ceremoni në “Invalid” dhe i bën këtë ceremoni Ramës, ku në fakt presidenti nuk ishte i pranishëm. Dhe këtë që Serbia e mori për ofendim, ja propozon Shqipërisë që merr për diçka të madhe, ishte thjesht një spektakël. Rama thotë që s’kam parë kurrë këtë lloj pritjeje, ndërsa serbët e morën për ofendim pritjen që ju bë Vuçiç. Nuk pati asgjë konkrete, thjesht mori një borxh prej 120 mln euro, ndërsa Vuçiç nuk erdhi të marrë borxh”, tha Burimi.

LEXONI GJITHASHTU:

• Rama vlerëson marrrëveshjen e lartë me Macron: Presim krahëhapur gjithçka nga Franca
• Rama i emocionuar nga pritja në Paris: Do të thotë shumë për Shqipërinë