Rama i “ngec” urën Abazoviç: Ju keni paga me të larta, projektin zbatojeni ju

Ministrat e Republikës së Shqipërisë dhe Malit të Zi kanë nënshkruar në përfundim të mbledhjes së përbashkët të dy qeverive dhe marrëveshjet bilaterale mes dy vendeve.

Marrëveshjet i hapin rrugë ndërtimit të një dogane të re në Shën Nikollë-Pulaj dhe një ure mbi lumin e Bunës që do të afrojë dy vendet.

Ndërkohë kreu i qeverisë Edi Rama në konferencën e përbashkët për shtyp me homologun malazez Dritan Abazoviç theksoi se projekti i zbatimit të urës mbi lumin Bunë është bërë me fondet e Shqipërisë.

Në fjalën e tij Rama mesa duket ia ka ‘ngecur’ ndërtimin e urës Malit të Zi, pasi iu drejtua Abazoviç duke i thënë se Shqipëria nuk do ua ndërtojë dhe urë.

“Projektin e zbatimit të urës e kemi zbatuar me fondet tona, tani me fonde të përbashkëta do bëjmë dhe urën. Siç i thashë dhe Dritanit këtu në Mal të Zi i keni rrogat më të larta, e nuk shkon që t’ua paguajë Shqipëria dhe urën”- tha ai.

LEXONI GJITHASHTU: 

• Dhuna ndaj Petraq Milos, Abazoviç kërkon falje: Nuk e ka prishur radhën
• Pamjet e aksidentit të rëndë në Tiranë, momenti kur urbani merr para Porsche-n