Kryeministri i Shqipërisë, Edi Rama ka reaguar mbi një deklaratë të bërë të mërkurën nga presidentët e Kosovës dhe Malit të Zi kundër nismës ‘Open Balkan’.

Gjatë një takimi në Prishtinë, presidentja e Kosovës, Vjosa Osmani dhe presidenti i Malit të Zi, Milo Gjukanoviç mbajtën qëndrimin se bashkëpunimi rajonal duhet promovuar përmes Procesit të Berlinit.

Rama, pa i përmendur dy presidentët, thotë se ‘Open Balkan’ nuk do të ndalet dhe sipas tij e përshpejton integrimin në BE të vendeve të rajonit.

“Kushdo është kundër Ballkanit të Hapur është në të drejtën e vet që as mos të shohë, as mos të dëgjojë dhe as mos të kuptojë se kjo nisëm nxit paqen, bashkëpunimin, integrimin dhe e përshpejton Procesin e Berlinit! Ballkani i Hapur nuk do të ndalet sepse e ardhmja nuk ndalet dot”, tha Rama.

Kushdo është kundër Ballkanit të Hapur është në të drejtën e vet që as mos të shohë, as mos të dëgjojë dhe as mos të kuptojë se kjo nisëm nxit paqen, bashkëpunimin, integrimin dhe e përshpejton Procesin e Berlinit! Ballkani i Hapur nuk do të ndalet sepse e ardhmja nuk ndalet dot.

— Edi Rama (@ediramaal) May 18, 2022

Deri tani nismës ‘Open Balkan’ i janë bashkuar Shqipëria, Serbia dhe Maqedonia e Veriut. Kosova, Bosnje Hercegovina dhe Mali i Zi deri tani kanë hezituar të bëhen pjesë.

LEXONI GJITHASHTU:

‘Mundësi korrigjimi për demarkacionin’, Gjukanoviç takim me Osmanin