English

Rama përuron terminalin e ri në Rinas: Nga nesër lexim digjital i pasaportave

KOMENTE

SHPERNDAJE
ARTIKULLIN

Text sizeAa Aa

Kryeministri Edi Rama mori pjesë në inaugurimin e terminalit të ri në aeroportin “Nënë Tereza” në Rinas.

- Advertisement -

Rama tha se duke nisur nga dita e nesërme për të gjithë qytetarët që disponojnë një pasaportë shqiptare, atë të Britanisë së Madhe, të vendeve të BE, të SHBA-së dhe Kanadasë, do të ketë lexim digjital të pasaportës.

Ndërkohë, për qytetarët e vendeve të tjera leximi do të vijojë të jetë manual.

Kjo sipas kryeministrit do të sjellë shmangien e radhëve që ka qenë një sëmundje kronike në aeroport.

“Sot është vënë në punë dhe sistemi i ri teknologjik i leximit të pasaportave në hyrje, falë ndërhyrjes së Ministrit të Policisë së Shtetit dhe kompanisë koncesionare që është angazhuar në të gjithë frontin e punëve që duhen bërë në këtë aeroport. Nga nesër besoj të gjithë qytetarët shqiptarë me pasaportën shqiptare që do të vijnë në aeroportin e Rinasit nuk do të kenë më një lexim manual të pasaportës me punonjësin e policisë që i shikon në sy, e prapë sheh pasaportën dhe prapë i shikon në sy, por do kalojnë në barrierën digjitale me leximin digjital të pasaportës, një proces që zgjat më pak se gjysmë minuti. Kjo do të lehtësojë shumë të gjithë fluksin e hyrjeve. E njëjta gjë do të vlejë edhe për qytetarët e Bashkimit Europian, ata që kanë pasaportë të SHBA, Britanisë së Madhe, dhe Kanadasë, ndërkohë për të tjerët do të vazhdojë të ketë lexim manual të pasaportës”, tha Rama.

 

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Altin Dumani paraqiti raportin e Prokurorisë së Posaçme, si e vlerësoni punën e SPAK për vitin 2023?
×