Rama: SPAK po bën mumjen për dosjet e skandaleve shtetërore

Kryeministri Edi Rama në një reagim në Twitter u është përgjigjur akuzave të opozitës se me deklaratat gjatë Asamblesë së PS-së, ka ‘kërcënuar SPAK-un’.

Rama duke iu referuar ish-kryeministrit Berisha, thotë se ka qenë kundër reformës në drejtësi ndryshe nga ai dhe PS.

“Të qeshësh e të qash me lot! Paskam kërcënuar SPAK-un sipas nongratave që betoheshin se edhe Flota e Shtatë Amerikane po t’i drejtonte tytat nga Lalzi nuk do ta votonin Reformën në Drejtësi! Për mua e për PS, SPAK rron e punon pa gajle 100 vjet dhe bujrum, derën tonë e ka hapur”, shkruam kreu i qeverisë.

Të qeshësh e të qash me lot! Paskam kërcënuar SPAKUN sipas nongratave që betoheshin se edhe Flota e Shtatë Amerikane po t’i drejtonte tytat nga Lalzi nuk do ta votonin Reformën në Drejtësi! Për mua e për #PS SPAKU rron e punon pa gajle 100 vjet dhe bujrum, derën tonë e ka hapur!

— Edi Rama (@ediramaal) May 7, 2022

Rama nga ana tjetër, akuzon SPAK se nuk po vepron ndaj atyre që janë përjashtuar nga sistemi i drejtësisë dhe Berishës të denoncuar nga DASH për korrupsion.

“Por gojën nuk kemi për ta mbyllur, që SPAK të mos godasë njëanshmërisht, po gjithanshmërisht! Roli i mumjes, përballë rreshtit të gjykatësve e të prokurorëve, që Vetingu i nxorri katran me bojë apo mbi dosjet e skandaleve legjendare të krimit shtetëror, nuk mund të tolerohet më”, përfundon kryeministri.

Kreu i SPAK, Arben Kraja interesit të Euronews Albania lidhur me akuzat e lëshuara nga kryeministri Edi Rama për institucionin që ai drejton, iu përgjigj duke thënë se ‘SPAK punon me kallëzime jo me deklarata politike’.

LEXONI GJITHASHTU:

Akuzat e Ramës për SPAK, Arben Kraja përgjigjet për Euronews Albania