Rama takim me strukturat e PS në Shkodër: Nuk po harxhojmë asnjë ditë pa punuar

Kryeministri Edi Rama ka zhvilluar gjatë ditës së sotme një takim me strukturat e PS-së në Shkodër.

Gjatë fjalës së tij Rama tha se maxhoranca nuk po harxhon asnjë ditë të vetme pa punuar, pavarësisht se populli shkodran ka ngurruar t’i japi votën PS-së.

Ai sulmoi edhe opozitën gjatë fjalës së tij, ku tha se ata e kanë përdorur dorën vetëm për të nxjerrë dy gishtat lart dhe për të ndezur molotovët.

“Mënyrën si funksionon bashkia njerëzit e ndiejnë. E ndiejnë ata që e kanë refuzuar në mënyrë të përsëritur dhënien e mandatit për ne, nga frika iracionale, por pikërisht një frikë e prekshme, se ne do vinim këtu dhe do bënim një masakër politike duke nxjerrë jashtë të gjithë ata që ndër vite kanë punuar ndër vite dhe s’kanë pasur gjë në dorë faktikisht, por kanë qenë vartës të atyre që kanë pasur gjë në dorë, por dorën e përdornin vetëm për të nxerrë dy gishtat dhe për t’i vënë zjarrin molotovëve. Por sot ne kemi bërë gjënë e duhur.

Sot ka kaq shumë gjëra të tjera për të bërë dhe kaq shumë punë, saqë ne duhet t’i japim vetes kohën për t’i treguar të tjerëve se ne nuk po harxhojmë asnjë ditë të vetme pa punuar. Po ndërtojmë rrugën Velipojë-Shëngjin.

Nuk kemi bërë asnjë investim elektoral në veri, sepse nuk kemi qenë të tunduar elektoralisht. Kemi bërë investime që njerëzit të zbulojnë malet. Kur të zbulohen malet nga ata që bëjnë investimet që do të sjellin turistët që vijnë e konsumojnë shumë, turistët që vijnë për ski, ata që vijnë për masazhe, fizioterapi, mjekësi preventive, etj, atëherë turizmi malor do të ketë një rritje shumë më të madhe nga ajo që vjen nga Plazhi”, tha Rama.

LEXONI GJITHASHTU:

• Rama flet nga Shkodra për fatin e bashkisë Himarë
• Rama pas mbledhjes në Shkodër: Të rritet performanca në të gjitha bashkitë