“Ramës do i shkojmë dhe në Surrel”, Këlliçi: Garda të tërhiqet nga dera e Kuvendit

Deputeti i PD-së Belind Këlliçi i cili është përjashtuar nga seancat plenare për disa ditë i  ka bërë thirrje Gardës se Republikës që të tërheqë trupat nga dera e Kuvendit në mënyrë që deutetët  të futen në seancë.

Në një deklaratë për mediat, Këlliçi theksoi se afera e McGonigal e ka tmerruar kreun e qeverisë Edi Rama e ndaj nuk lejon deputetët  të futen ne seancë.

Deputeti thekson se ai dhe kolegët e tij nuk kanë bërë asgjë kundër ligjit.

“Aty siç e shihni janë trupat e Gardës të republikës që po bëjnë luftë me deputetët, a thua se po i shkojmë Ramës në Surrel por dhe atje do i shkojmë. Garda të tërheqë trupat dhe të futemi të marrim pjesë në seancë. Aktualisht që ne flasim kemi zbatuar rregulloren dhe kemi çuar ankimimin. Nuk e di se ça tjetër duhet të bëjmë, ça ligji duhet të zbatojmë që të marrim pjesë në seancë. Jam përjashtuar tre herë brenda  javës pa folur. Kjo është çmenduri. E di se McGonigal e ka tmerruar Edi Ramën. Kur i është bërë kjo që na është bërë ne PS. Po kërkojmë të hyjmë në seancë në zbatim të rregullores. A kanë fytyrë të dalin në publik. Ça i kam bërë unë parlamentit, pse nuk del garda të ndalojë Ramën që vjedhë paratë e shqiptarëve, Arben Ahmetajn dhe Lindita Nikolla. Çfarë kam bërë unë dhe kolegët e mi. Që një muaj kanë një sjellje absurde. Të zbatohet ligji. U bëj thirrje që të futemi në seancë. Duhet të futemi brenda”- tha ai.

LEXONI GJITHASHTU: 

• Tensionohet situata në Kuvend, Flamur Noka përplaset dhe shtyhet me Gardën
• 6-vjeçarja dhe plaku mjekërbardhë, imami: Histori të ngjashme ka në Kuran