Rasti tronditës! Babai do që t’i bëhet eutanazi fëmijës, nëna nuk e pranon dot

Avokatja Nexhmije Beqiri tregoi për “Goodmorning Albanians” në Euronews Albania një rast kur babai do që t’i bëhet eutanazi fëmijës i cili vuan nga një sëmundje e pashërueshme, ndërsa nëna nuk e pranon dot.

Sipas saj të tilla raste janë të vështira për t’u menaxhuar.

“Si mundet të vendosin prindërit për një fëmijë i cili është në gjendje agonie, në një dhimbje të vazhdueshme, të përsëritshme për një kohë të gjatë, të cilët specialistët e mendojnë se nuk ka kthim mbrapa. Kush e ka vendimmarrjen për këtë fëmijë? Me ligj të dy prindërit kanë të drejtën të vendosin për fatin e fëmijës,” – u shpreh Beqiri.

Holanda do të zgjerojë rregulloret e saj për eutanazinë për të përfshirë mundësinë që mjekët të ndihmojnë në vdekjen e fëmijëve me sëmundje terminale të moshës nga një deri në 12 vjeç. Rregullat e reja do të zbatohen për pesë deri në 10 fëmijë në vit që vuajnë në mënyrë të padurueshme nga sëmundja e tyre dhe nuk kanë shpresë për përmirësim.

LEXONI GJITHASHTU:

• Holanda miraton eutanazinë te fëmijët
• Eutanazia, vdekje dinjitoze? Mjeku shqiptar në Belgjikë: Është ndihmë për pacientin