Reali triumfon në finale e kupës ndaj Barcelonës, dominim total ndaj katalanasve

Finalja e Superkupës së Spanjës ka një fitues dhe ai është Reali i Madridit. Ekipi i udhëhequr nga Carlo Ancelotti mposhti në stacionin e fundit Barcelonën, për t’u kurorëzuar më pas kampion, për herë të 13-të në histori. 90’ minutëshi final i luajtur në Arabinë Saudite prodhoi spektakël, me Realin që ishte dominues përgjatë gjithë takimit, gjë që e konfirmoi që në fraksionin e parë.

Vinicius Junior ishte heroi i madrilenëve, me brazilianin që shënoi dy gola në minutën e 7 dhe të 10, ndërsa 6 minuta para fundit të pjesës së parë konkretizoi tripletën falë një 11 metërshi. Barcelona arriti të gjente golin në pjesën e parë me Lewandowskin, por ishte e pafuqishme për të shpresuar dicka më tepër. Pjesa e dytë nisi po njësoj, me Los Blancos që nuk lejuan asnjë hapësirë, e kështu gjetën golin që vulosi triumfin 4-1 me autor një tjetër Brazilian, këtë herë Rodrigo.

Në minutën e 71’ blaugranët mbetën me 1 lojtar më pak, pasi Araujo u ndëshkua me kartonin e kuq, duke lënë ekipin me 10 futbollistë. Ky ishte trofeu i 13 i Superkupës së Spanjës i fituar nga Reali, ndërsa impianti i Al Nassr në Arabinë Saudite kishte 25 mijë të pranishëm. Kujtojmë se në gjysmëfinale të kompeticionit, Reali triumfoi në derbin e qytetit ndaj Atletico, për të mposhtur në finale rivalët e përjetshëm.

LEXONI GJITHASHTU:

• Merkato e janarit| Sancho zyrtarisht lojtar i Dortmund, Bayern blen tek Tottenham
• Milani eliminohet nga kupa, Lazio kualifikohet mes grushteve
• “Kam dhe 1 vit jetë”, ish-trajneri i Anglisë diagnostikohet me kancer: Nuk dorëzohem