“Refuzoj ta mbaj emrin shqiptar”- Ish-i burgosuri politik: Ne vrasim njëri-tjetrin

Ish-i burgosuri i regjimit komunist, Zhivko Petroviç, i cili u burgos pasi kërkoi të arratisej nga Shqipëria për një jetë më të mirë, sot refuzon në shenjë revolte të identifikohet me emrin e tij të fëmijërisë, Mark Geci. Në një intervistë për emisionin “Real People” ai shprehet se me ardhjen e demokracisë ndryshoi emrin për shkak të torturave që i janë bërë në burg.

Sipas tij shqiptarët janë e keqja e njëri-tjetrit dhe shton se 5 vite të kaluara në burg me tortura janë të barabarta me 500 vite.

“Nuk më pëlqen të kem emër shqiptar, pasi gjermanët boll të tmerrshëm kanë qenë por nuk e kanë vrarë njëri-tjetrin. Shqiptarët kanë vrarë njëri tjetrin dhe urrehen kudo që janë në botë. Torturat në burg më kanë vrarë më shumë. 5 vite me i bë me tortura janë sa 500 vjet. Mund të kesh nga ata që kanë bërë 25 vjet burg dhe nuk u janë bërë tortura se kanë bashkëpunuar.

Unë edhe të m’i këpusnin duart nuk bërtisja se s’doja t’i jepja kënaqësi se ai kënaqej. Sa erdhi demokracia punën e parë kam ndërruar emrin. Në 91-shin dola u martova dhe nuk ika jashtë. Bëra tentativa të ikja por nuk kam mundur nga spiunat dhe kam ndenjur në Bajram Curri. U persekutua e gjithë familja nga unë”, tha Zhivko.

LEXONI GJITHASHTU:

• “Të sakatonin”- Ish i burgosuri politik: Tortura me elektroshok, më e rënda
• “U arratisa nga vendi e përfundova në burg”, ish-i burgosuri: Pse ndërrova emrin