Regjistrimi i popullsisë në Mal të Zi, Gegaj: Si po ndërhyn Serbia

Deputeti i Partisë Demokratike të Socialistëve, Nikollë Gegaj tha në një intervistë për Euronews Albania se presidenti i Serbisë Aleksandër Vuçiç është duke tentuar përmes aleatëve të vet në qeverinë e malit të zi ta fusë vendin nën ndikimin e tij dhe të Rusisë.

Kjo sipas tij nisur nga fakti që Fronti Demokrat do të jetë ndër shtyllat kryesore në Mal të Zi dhe përmes tij, Vuçiç mund të kontrollojë qeverinë.

“Duke qenë se kryetari i kuvendi të Malit të Zi është personi që i dorëzohen materialet më diskrete të qeverisë ndaj dyshohet se Mandiç do ta ndryshojë shtetin e Malit të Zi. Jam i besimit se ai do të ndjekë politikën e Vuçiç dhe këto materiale do vijojë të përcillen në Serbi dhe në Moskë. Edhe Escobar dhe europianë të tjerë kanë deklaruar se duan një qeveri që do të trashëgojë vlerat perëndimore, por e dimë që serbët do ndërhyjnë”, tha ai.

LEXONI GJITHASHTU:

• “Mali i Zi është vend sovran”, Milatoviç i përgjigjet Vuçiç
• ‘Mali i Zi në kaos’- Camaj: Ka shumë presion, si po ndikon Serbia