Eksperti për emigracionin, Agron Biçaku tha në një intervistë për Euronews Albania se që pas reagimeve të shumta që shkaktuan deklaratat për shqiptarët në Britaninë e Madhe, qasja ndaj retorikës për ta ka ndryshuar.

Sipas tij reagimet kanë qenë të shumta si në publik ashtu edhe në funksionarët politikë shqiptar.

“Fryma këtë vit është më e botë, nuk është aq agresive sa ka qenë verën e kaluar, apo drejt përfundimit të vitit 2022. Këtë vit sikur janë zbutur gjërat sepse edhe gazetat, edhe tabloidët britanikë nuk janë duke përmendur më shqiptarët si e keqja më e madhe e këtij rajoni. Raste sporadike ekzistojnë, kanë qenë dhe do ekzistojnë gjithmonë, janë njerëz të painformuar, të paedukuar që e shikojnë emigrimin e paligjshëm, ose në këtë rast të shqiptarëve si një kanosje shumë e madhe, por në përgjithësi fryma me britanikët është shumë e mirë, shumë bashkëpunuese,” – u shpreh Biçaku.

LEXONI GJITHASHTU:

• Pse Berisha doli të fliste për non-gratën britanike? Juristi: Po përgatit terrenin
• Marrëveshja Shqipëri-Britani e Madhe, 4 mln £ në vit për të sjellë të burgosurit