Revoltohet Murati: E kam votuar disa herë PD, tani është peng i Berishës e Bashës

Gazetari Erl Murati tha në emisionin Now në Euronews Albania se opozita është e marrë peng nga dy njerëz, Sali Berisha dhe Lulzim Basha.

Sipas tij, me këta dy njerëz në krye, shanset që PD të vijë ndonjëherë në pushtet janë minimale.

“Për mua ka qenë gabim rikthimi i tyre në PD pasi dhanë dorëheqjen. Të dy duhet të kenë ndërgjegjen të largohen, edhe pse dihet  që Berisha ka shumicën duhet të largohet. Problemi qëndron që në Shqipëri rregullat e demokracisë funksionojnë mbrapsht, rregullat thonë që nëse humb një garë vazhdimisht duhet të largohesh. Me Berishën dhe Bashën në PD shanset që PD të fitojnë janë minimale. Unë i kam votuar disa herë, por kur e provon  që njerëzit nuk të duan është budallallëk t’u japësh të njëjtën alternativë; nëse duan që opozita të vijë në pushtet duhet të largohen”, tha Murati.

LEXONI GJITHASHTU:

• Kundërpërgjigje ndaj Bashës? Bardhi e Berisha njoftojnë datën e mbledhjes së radhës
• BF çel fushatën në Kukës, Berisha dhe Meta krah njëri-tjetrit