Rikthehet Kupa e Italisë, Juventusi përballë Interit në gjysmëfinale

Gjysmëfinalja e parë e kupës së Italisë, ajo mes Juventusit dhe Interit luhet mbrëmjen e sotme në Allianz Stadium. Skuadrat u kanë dhënë fund përgatitjeve, ndërsa në orën 21 zbresin në fushën e lojës.

Bardhezinjtë e udhëhequr nga Maksimiliano Alegri e shohin kupën si një shpëtim që i çon drejt kompeticioneve Evropiane. Përballja pritet të jetë e luftuaru për faktin se edhe Interi rrezikon të mbyllë sezonin pa një nga 3 trofetë e rëndësishëm, në rast të një dështimi në kupë e Çempions, për faktin se Napoli është shumë pranë fitimit të kampionatit.

Pogba pritet të mugojë edhe në këtë përballje të parë gjysmëfinale, ndërsa Bonuçi e Kieza janë në dyshim, edhe pse janë parë të stërviten me skuadrën. Në anën tjetër, turku Çalhanollu, Shkriniar e D’Ambrozio nuk janë në dispozicion të Inzagit. Në dyshim është vetëm mbrojtësi i majtë Di Marko.

Kujtojmë se Interi e Juventusi janë përballur me njëra-tjetrën në finale e shkuar të kupës, ku zikaltrit triumfuan në kohën shtesë.