Rikthehet magjia e Champions| Milani në shansin final, kërkon hakmarrjen ndaj PSG

Milani synon hakmarrjen ndaj PSG për atë humbje të dy javëve më parë në Parc De Prince, ndërsa fitorja është detyrim. Kuqezinjtë i gëzohen disa rikthimeve mes tyre dhe Hernandez e Pulisic, ndërsa në anën tjetër tek parizienët nuk ka arsye për tu shqetësuar. Renditja përkeqëson pozitat e ekipit të Stefano Piolit, i cili në rast humbje do të ishte thuajse jashtë kompeticionit madhor për klube në Evropë.

Forma që po kalon Milani është jo e mirë, duke përmendur këtu dhe humbjen e fundit në kampionat ndaj Udineses, ndërsa PSG ka grumbulluar 4 fitore radhazi në Ligue 1. Favorit për fitimin e përballjes cilësohen francezët, por asgjë nuk mund të parashikohet, duke përmendur këtu historinë e kuqezinvje në këtë kompeticion, dhe fitoren si zgjidhja e vetme.

NË grupin F, një tjetër përballje interesante është ajo mes Dortmundit dhe Newcastle që luhet në Gjermani. Verdhezinjtë fituan minimalisht në transfertë, teksa situata është pozitive sa i përket organikës, me lojtarët kryesorë të gatshëm, ndëryshe nga ajo që ndodh me miqtë. Liga e kampionëve vijon me 8 përballje, 2 të cilat luhen në orën 18:45 dhe 6 të tjera që vijojnë në orën 21:00.

LEXONI GJITHASHTU:

• Osmani trajneri i ri i Vllaznisë/ Sfida me Erzenin, tekniku: Synojmë kreun e tabelës
• Vllaznia shkarkon trajnerin Migen Memellin