Rikthimi i basteve/ Malaj: Koston më të madhe do e paguajnë familjarët

Arben Malaj, anëtar i Këshillit Mbikëqyrës të Bankës së Shqipërisë, foli në lidhje me rikthimin e basteve në vendin tonë.

Në një intervistë për Euronews Albania, ai theksoi se janë familjarët ata që paguajnë koston më të madhe duke shtuar se ligjet në vendin tonë janë të mira por që nuk zbatohen.

Mes të tjerash ai theksoi se e rëndësishme në këtë rast është që të ardhurat që do vijnë nga bastet do të ndahen nga Komisione të veçanta.

“Familjarët janë ata që paguajnë koston më të madhe por unë nuk besoj se një individ në mënyrë të ndërgjegjshme mund të kontrolloj veten.  Ligjet i kemi shumë të mira, por implementimi është i dobët.  Është e vështirë që çertefikosh bastet në Shqipëri, aq më tepër që ka një kohë relativisht të shkurtër. Ajo që është e rëndësishme është që të ardhurat do të ndahen nga një Komision i veçantë. Kam frikë se duke ngritur struktura të mëdha do të kemi vonesa, dhe kjo vonesë do të jetë një kosto për sportin dhe kulturën”-tha ai.

LEXONI GJITHASHTU: 

• Pritet përkeqësim i motit, ndalohet lundrimi i mjeteve të vogla në Durrës
• Lihen në burg të dyshuarit për tritolin në zyrën e noteres, njëri ndryshon dëshminë