Rrëfimi nga Ukraina: Kolegu im ka një vit që ka humbur, nuk dihet nëse është gjallë

Teksa sot shënohet 1 vit nga fillimi i luftës në Ukrainë, shumë ukrainas kanë humbur jetën dhe të tjerë rezultojnë të zhdukur.

Ukrainasja Nadija Afanasieva deklaroi për emisionin “Good Morning Albanians” në Euronews Albania, se një koleg i saj është zhdukur prej një viti dhe ende nuk dihet nëse është gjallë.

Afanasieva tha se shumë miq të saj janë angazhuar në ushtri.

“Unë, nga familja ime e afërt askush nuk ka pësuar një vuajtje të tillë, por nga organizata ime, miqtë e mi, një koleg i imi është zhdukur dhe ka një vit që nuk dëgjojmë fare për të. Kjo është situata ime.

Sigurisht që kam edhe miq të tjerë që janë angazhuar në ushtri, por të gjithë e kuptojnë që kjo është përgjegjësia jonë primare, madje është përgjegjësia jonë që pas luftës që ta rigjenerojmë Ukrainën dhe shoqërinë tonë”, theksoi ajo.

LEXONI GJITHASHTU

• “Nuk jemi shkatërruar, do fitojmë këtë vit”, Zelensky fjalim për 1-vjetorin e luftës

• Mbi 90% e qytetarëve të BE-së mbështesin ndihmën humanitare për Ukrainën
• 1-vjetori i luftës në Ukrainë, Euronews raporton situatën nga Kievi