“Rrethanat ma sjellin të godas fëmijën”/ Fuga analizon përgjigjet e qytetarëve

Profesori Artan Fuga komentoi gjetjet e Barometrit në Euronews Albania lidhur me disa sjellje sociale mes të cilave dhuna fizike ndaj fëmijëve.

Sipas Fugës, mendimi i dhënë për një pyetje të tillë disi delikate është pak i përgjithshëm, pasi askush nuk do ta pranonte se mund të godasë bashkëshorten apo fëmijën dhe në opinionin e tij do t’i referohet të tjerëve.

“Dikush mund të thotë, shumë i justifikuar nuk është, por rrethanat ma sollën një herë që ta godas fëmijën. I pajustifikueshëm dhe i papranueshëm ka një nuancë dallimi, por unë e di pse e keni shtruar pyetjen në këtë mënyrë. Këto pyetje janë delikate dhe jam i bindur që anketuesit u kanë thënë do jetë anonime, nuk do dalë emri, por do mendoja që një hipokrizi e ka, por nuk ka mundësi të bëhet ndryshe. Duke krahasuar ato përgjigje me realitetin fizik që shoh me sy në shoqëri, ka një kontradiktë”, tha Fuga.

LEXONI GJITHASHTU:

• Shqiptarët kundër dënimit me vdekje. Gjetjet e Barometrit
• Barometri/ Si ka ndryshuar mendimi pozitiv për Ramën, Berishën, Metën e Bashën