Rrezikon të përplaset nga era e fortë, trageti i linjës Vlorë-Brindisi del në radë

Për shkak të kushteve hidro-meteorologjike të rënduara dhe erës së fortë, brenda Gjirit të Vlorës, që shkakton dallgë të shumta si brenda ashtu edhe jashtë gjirit, trageti i linjës me Brindisi ka dalë në radë.

Mëngjesin e kësaj të mërkure, trageti po qëndron në det të hapur për të shmangur përplasjen me kalatat e portit. Pritet, ndërkohë, një përmirësim i kushteve atmosferike në vijim, në mënyrë që ky traget të nisë fillimisht ankorimin në portin e Vlorës rreth mesditës dhe më pas të kryejë itinerarin drejt Italisë.