Rreziku nga zjarret në Elbasan, shërbimi zjarrfikës në gatishmëri

Fundi i korrikut ka shënuar temperatura rekord në Shqipëri. Një ndër qytetet e më të nxehta është Elbasani.

Temperaturat e larta rrisin rrezikun për zjarre, duke bërë që strukturat e Emergjencave të zjarrfikësve në Elbasan vijojnë të mbeten të angazhuara për të përballur situatat që mund të krijohen.

Sipas shefit të repartit, pakujdesia nga ana e njerëzve është arsye kryesore, por nuk

“Më e vështirë presim gushtin për shkak se nga gjithë kjo thatësirë detyrimisht bari thahet kudo qofshin ne ullishte në pronat e fermerëve përbëjnë rrezik një pakujdesi e tyre na kanë arrit që të djegin ullishta në mënyrë të pakujdesshme.”- theksoi Tajar Alla, shef i repartit zjarrfikës në Elbasan.

“Periudha e shtëpive të banimit ose pallateve janë periudha e dimrit. Pasi në dimër përdoret stufa, ngrohëse gazi, oxhaqet këto që shkaktojnë zjarre nëpër shtëpia, kurse pastaj dihet muaji korrik gusht shtatori është më i rrezikshëm se pakujdesia ose me dashje padashje i vihet zjarri”- tha ai mes të tjerash.

Përgjatë kësaj kohë, ku dhe rreziku për rënien e zjarreve është i lartë, shërbimi zjarrfikës ka kaluar në gatishmëri të plotë për të përballuar çdo avari.

“Temperaturat favorizojnë zjarret dhe si të tillë edhe ne në zbatim të këtyre detyrave që na lind tani në periudhën e verës kemi marrë masat tona duke planifikuar shërbime shtese në shërbimin zjarrfikës. 24 orë ka shërbim plus me shoferë dhe me punonjës, për të evidentuar problemet që kane lind edhe nga vitet e tjera.”

Në krahasim me vitin e kaluar kur përgjatë muajve të pikut ishin regjistruar me dhjetëra vatra zjarri në pyje dhe ullishta, këtë vit nuk ka pasur ende asnjë rast.

LEXONI GJITHASHTU: 

• “Sot, dita më e nxehtë e korrikut”- Specialistja e IGJEUM: Si do të jetë muaji gusht
• Riaktivizohet vatra e zjarrit në Fier, banorët: Po na digjen bagëtitë, të ndërhyhet