Rrëzohet kërkesa e PD për mocion me debat për McGonigal: Do të mbahet me 2 mars

Është rrëzuar kërkesa për mocion me debat e Rithemelimit për çështjen e McGonigal, për tu zhvilluar ditën e sotme. Ndërkohë seanca do të mbahet me datë 2 mars.

Ishin deputetët e opozitës që kërkuan që sot  të flitet për çështjen e zyrtarit të FBI-së, McGonigal edhe pse kryeministri nuk ndodhet në Shqipëri por në një vizitë zyrtare në Tokio.

Për shkak të të kaosit të krijuar në seancën e kaluar, u përjashtuan nga Kuvendi për 10 ditë 6 deputetë të PD-së, Edmond Spaho, Elda Hoti, Sorina Koti, Oerd Bylykbashi, Lindita Metaliaj dhe Greta Bardeli.

Ndërkohë përveç, tyre vijojnë ende të jenë përjashtuar Sali Berisha dhe Flamur Noka. Byroja e Kuvendit ka shqyrtuar kërkesën e tyre dhe ka vendosur t’i përjashtojë.

LEXONI GJITHASHTU: 

• Gazetarja ‘zë ngushtë’ Berishën: Pyetet për Metën në SPAK, shmang komentin
• Komisioni Evropian ndalon përdorimin e Tik Tok për punonjësit, shkak siguria