F1 | Kryesore

Russell fluturon për “Pole Position” në Las Vegas

23 Nëntor 2024 | 09:57

Piloti i Mercedes, George Russell vendosi “pole position” në Las Vegas Grand Prix që u transmetua në Euronews Albania. Ai la pas rivalin e Ferrari-t, Carlos Sainz atë të Alpine, Pierre Gasly. Ky ishte i 4-ti “pole position” në karrierë dhe i 3-ti këtë sezon për britanikun. Gjithcka pas kryesimit në sesionin e 3-të në Provat e Lira dhe xhirove të para në të njëjtin sesion kualifikues. Russell vendosi kohën 1’32”312 në xhiron e fundit duke ndërprerë serinë e Ferrari-t dhe McLaren për rikthimin në vendin e parë pas garës në Silverstone në Korrik.

Sainz mbeti disa të dhjetat pas ndërsa Pierre Gasly dhe Alpine vazhduan perforncën e podiumeve pas “Sao Paulo Grand Prix” duke u renditur të 3-ët. Charles Leclerc plotësoi rradhën e dytë me Ferrari-n duke lënë pas rivalët për titull Max Verstappen dhe Lando Norris që do të nisen nga rradha e 3 përkatësisht me Red Bull dhe McLaren. Yuki Tsunoda bëri një tjetër paraqitje për tu mbajtur mend kur e vendosi RB e tij në vendin e 7 përpara McLaren të Oscar Piastri-t. Gjermani i Haas, Nico Hulkenberg dhe Lewis Hamilton plotësuan top-10. Piloti i Mercedes që u shfaq i shpejtë në dy sesionet e para të Provave të Lira dhe ato Zyrtare, gaboi shumë në të dy xhirot kualifikuese të sesionit të 3-të.

Pas dy incidenteve në Brazil, Franco Colapinto përjetoi një tjetër aksident dramatik në përfundim të sesionit të 2 kualifikues që e argjentinasin në vendin e 14 për nisjen e të dielës. Ndërsa Williams duhet të punojë shumë për të riparuar makinën. Sergio Perez u eleminua për të 6 herë këtë sezon në sesionin e parë. E shtunë për tu harruar për Aston Martin që e la Fernando Alonso-n në vendin e 17 përpara Alex Albon në bordin e Williams-it tjetër.