Sali Shehu zbulon skenarin e opozitës në protestën përpara samitit të BE-së

Sali Shehu, kreu i partisë Fryma e Re Demokratike deklaroi në një intervistë për Euronews Albania se protesta është një nga shtyllat më të rëndësishme të demokracisë.

“Unë mendoj se data 6 është një risi për faktin se liderët e Bashkimit Europian, pjesëmarrësit në këtë samit të rëndësishëm për Ballkanin Perëndimor do të mund të shikojnë se protestat në Shqipëri janë qytetare, kundërshtojnë nivelin e qeverisjes, korrupsionin, krimin e organizuar dhe shumë gjëra të tjera që kanë të bëjnë me jetesën normale të çdo qytetari në Shqipëri,” – u shpreh Shehu.

Sipas tij fakti që protesta është në të njëjtën ditë me samitin është diçka shumë e mirë.

Më 6 dhjetor në Tiranë mbahet takimi i liderëve të Ballkanit Perëndimor dhe atyre të Bashkimit Europian. Në po të njëjtën ditë me samitin, opozita do të organizojë protestën e radhës.

LEXONI GJITHASHTU:

• Partia Demokratike shkon e përçarë në zgjedhjet vendore të 14 majit
• Sali Shehu tregon bisedën me Berishën: E kundërshtova për primaret