Salianji apo Alibeaj, kush e bashkon PD-në? Si përgjigjet Aleksandër Çipa

Kreu i Unionit të Gazetarëve, Aleksandër Çipa ka komentuar zhvillimet e brendshme në Partinë Demokratike.

Në një intervistë për Euronews Albania, Çipa deklaroi se as veprimi i Enkelejd Alibeajt për përjashtimin e katër deputetëve dhe as veprimi i Sali Berishës për  shkarkimin e tij, nuk e bashkojnë partinë.

Sipas tij, këto procese thellojnë edhe më shumë ndarjen në Partinë Demokratike.

“As veprimi i zoti Alibeaj për përjashtimin e katër deputetëve dhe as veprimi i foltores së zotit Berisha për të përjashtuar zotin Alibeaj, duke arritur një kuorum statutor për Grupin  Parlamentar, nuk janë procese bashkuese.

Përkundrazi, nuk bëjnë gjë tjetër, veçse thellojnë atë ndarjen diametrale që është kaq potente në shfaqjen dhe në përfaqësimin institucional të Partisë Demokratike. Të paktën, në të vetmin forum legjitim të mbetur në këtë parti dhe strukturat e saj”, theksoi ai.

LEXONI GJITHASHTU

• ‘Është problem’, Çipa: Pse Berisha nuk ka folur më për gjyqin ndaj SHBA-ve

• Tërheqja e PD-së për statutin, Çipa: Tashmë procesi nuk është i komplikuar

• PD tërhiqet nga gjyqi për statutin, Sefa: I hap rrugë vendimmarrjes për vulën