Tërheqja e PD-së për statutin, Çipa: Tashmë procesi nuk është i komplikuar

Kreu i Unionit të Gazetarëve, Aleksandër Çipa thotë se tanimë procesi gjyqësor në Partinë Demokratike nuk është aq i komplikuar, pasi grupi i Enkelejd Alibeaj vendosi të tërheqë ankimin për statutin e kësaj force politike.

Në një intervistë për Euronews Albania, Çipa u shpreh se ngëçi do të mbetet në PD, derisa gjykata të japë vendimin se kujt i takon vula.

“Mendoj që tashmë thjeshtësohet procesi, nuk është kaq i komplikuar. Tërheqja e zotit Alibeaj sot, mbetet vetëm tek çështja më kruciale për të përcaktuar atë që quhet trashëgimia juridike. Ngërçi mbetet në fuqi deri në artikulimin e verdiktit të gjykatës.

Në këndvështrimin tim, palët do të duhet të investoheshin për të fituar kohën e humbur të tyre dhe jo për të mbetur në këtë kalend që është e pazakontë në historinë e partitizmit politik shqiptar në 30 vite”, theksoi ai.

Përfaqësuesi ligjor i Partisë Demokratike, Indrit Sefa deklaroi se tërheqja nga gjyqi për statutin e kësaj force politike, i hap rrugë vendimmarjes për vulën.

Në një deklaratë për mediat, Sefa u shpreh se ankimi ndaj vendimit të gjyqtarit Agron Zhukri, që njohu Kuvendin e 11 Dhjetorit, po vazhdon të shqyrtohet në Apel.

Gjykata e Apelit ka vendosur pushimin e çështjes sa i takon statutit të Partisë Demokratike, pas tërheqjes së ankimit nga Enkelejd Alibeaj.

Alibeaj kishte kërkuar që vendimet e kuvendeve të 17 korrikut dhe 18 dhjetorit të regjistrohen bashkë.

LEXONI GJITHASHTU

• PD tërhiqet nga gjyqi për statutin, Sefa: I hap rrugë vendimmarrjes për vulën

• Alibeaj tërhoqi ankimin, gjykata vendos pushimin e çështjes për statutin e PD-së

• Alibeaj tërheq ankimimin për statutin e PD-së