Salianji dënohet me burg, avokati: Çështja do ndiqet deri në Gjykatën e Strasburgut

Gjykata e Apelit e Juridiksionit të Përgjithshëm ka lënë në fuqi vendimin që e dënon me 1 vit burg deputetin e Partisë Demokraike, Ervin Salianji.

Avokati i tij, Redi Ramaj tha për  Euronews Albania se vendimi i marr ditën e sotme ishte tërësisht politik. Ai tha se për këtë çështje do të bëjnë rekurs në gjykatën e Lartë, por u shpreh se nuk kanë besim as te ajo gjykatë. Sipas Avokatit Ramaj, pas Gjykatës së Lartë do të marrin të gjitha hapat e tjerë ligjor ku nuk përjashtoi dërgimin e çështjes në Strasburg.

“Do ndiqen të gjitha veprimet procedurale që njeh kodi i procedurës penale dhe kodi penal lidhur me rekursin në Gjykatën e lartë. Më pas të gjitha opsionet janë të mundshme. Duke qenë se rasti është politik, është e vështirë të gjejmë një mbështetje në këtë gjykatë. Rasti është tërësisht flagrant”,-tha avokati.

I pyetur nëse vendimi i gjykatës për të çuar në burg deputetin Ervin Salianji do të ekzekutohet që sot, Ramaj tha:

“Duhet parë interpretimi nëse vendimi i sotëm është i ekzekutueshëm i formës së prerë, apo kur të mbarojë në Gjykatën e Lartë, se ka dy qendrime. Duhet të mblidhet Kuvendi për ta shqyrtuar pasi është një rast i paprecedentë”.

LEXONI GJITHASHTU:

• Apeli e dënoi me burg, Ervin Salianji: Betejën do e vazhdoj nga qelia
• Dënimi me burg i Salianjit, PD bën lëvizjen urgjente: Mblidhen në seli deputetët