Samiti i Diasporës/Celibashi: Kuvendi të ndryshojë Kodin Zgjedhor deri në janar

Kreu i Komisionit Qendror të Zgjedhjeve, Ilirjan Clibashi ishte këtë të enjte në ditën e dytë të samititi të diasporës ku ka folur ndër të tjerat për kohën se kur mund të bëhet e mundur që shqiptarët në diaspor të bëhen pjesë e proceseve zgjedhore në Shqipëri e të kenë mundësinë të votojnë.

Celibashi tha se Gjykata Kushtetuese tashmë i ka vendosur një afat Kuvendit, i cili duhet që brenda janarit të vitit 2024 të bëjë ndryshimet apo plotësimet në kodin zgjedhor.

“Gjykata Kushtetuese i ka vendosur një afat kuvendit të Shqipërisë i cili është janari i vitit 2024, brenda të cilit kuvendi duhet të bëjë ndryshimet apo plotësimet në kodin zgjedhor.

Çështjet të cilat i ka listuar Gjykata Kushtetuese si të nevojshme, kanë të bëjnë me procesin e regjistrimit apo të përgatitjes së listës së votuesve të atyre që votojnë jashtë territorit të republikës së Shqipërisë dhe se si do të llogaritet vota e tyre.

Në vlerësimin tim, këto tre çështje nuk kërkojnë angazhim mendor të sofistikuar, janë çështje mjaft të thjeshta, por e kuptojmë të gjithë që në fund të fundit është edhe çështje vullneti apo realiteti politik vendas,  por në fund të fundit thelbi është gjetja e një kompromisi të përbashkët mes pozitës dhe opozitës për tu ulur e për të ofruar një zgjidhje të përbashkët”,-tha kryekomisioneri i KQZ-së Celibashi.

LEXONI GJITHASHTU:

• Samiti III i Diasporës, Rama: Nuk ka asgjë të paarritshme nëse bëhemi bashkë
• Samiti i Diasporës, Hasani: Kurrë nuk kanë gëzuar shqiptarët një emër kaq të mirë