Sarandë, bie në gropën e ashensorit, plagoset rëndë oficeri i policisë (EMRI)

Një ngjarje e rëndë është shënuar mëngjesin e sotëm nëlagjen nr.4 të Sarandës. Oficeri i policisë së Komisariatit të Sarandës, Klement Bello, 63 vjeç, është aksidentuar rëndë pasi ka rënë në gropën e ashensorit të pallatit ku banonte.

Mesa duket ka qenë një defekt në ashensor, që ka mundësuar hapjen e portës por pa qenë ashensori në vend. Pa e pasur mendjen, sapo është hapur porta, 63-vjeçari ka tentuar të futet brenda dhe për rrjedhojë ka rënë në gropë në një lartësi rreth 6 metra.

Është transportuar me urgjencë në spitalin e Sarandës ku ka marrë ndihmën e parë.

Sipas bluzave të bardha për shkak të frakturës në kokë dhe dëmtimit në mushkri ai është nisur me helikopter drejt spitalit të Traumës në Tiranë.

LEXONI GJITHASHTU: 

• Meta: Nepotizmi shkaku që dëmtoi pluralizmin, ndihmoi mafien që të kap pushtetet
• Gaza/ Mbi 34 mijë palestinezë të vrarë e 77 mijë të plagosur që nga fillimi i luftës