“S’do na vijnë nga SHBA”, Lapaj: Ja zgjidhja për të ndryshuar sistemin

Juristi Adriatik Lapaj thotë se problemi më i madh sot në Shqipëri është sistemi politik, që duhet ndryshuar.

Në emisionin Now në Euronews Albania, Lapaj u shpreh se mënyra e vetme për të ndryshuar sistemin është hapja e garës, që do t’i jepte mundësinë çdo të riu që do të kontribuojë të bëhet pjesë e politikës.

“Kjo ndalet vetëm duke hapur garën, që do ta bëjmë ne, s’do na vijnë nga Marsi apo nga SHBA. Vetëm gara e ndan këtë punë. Mos të të përjashtojnë akoma pa u futur në garë. Kjo bëhet duke hapur ligjin elektoral. Nëse thyejmë kalcifikimin e strukturave kryesore politike kjo bëhet edhe me sistemet e tjera në vend që janë marrë peng nga politika… Unë fjalën kam, s’jam kryeministër, më bëni kryeministër dhe ua zgjidh unë. Të hapet gara, nuk mund t’i besojmë individit. Edhe këta në politikë një pjesë me ideale kanë hyrë po u bënë mamuthë korrupsioni. Sistemi këtu gjeneron këtë lloj mendësie dhe bëhesh pjesë e kënetës”, tha Lapaj.

LEXONI GJITHASHTU:

• Revoltohet Lapaj: U tradhtuam nga prindërit, u bënë me atë me gishta e atë me grusht
• Avokati Lapaj: Vendi po qeveriset nga minoranca