Sekuestrohen 120 çadra dhe shezlongë në Himarë, procedohen dy administratorët

Administratorët e dy subjekteve janë proceduar penalisht, pasi kishin vendosur 120 çadra dhe shezlongë pa leje përkatëse në plazhin e “Porto Palermo”, në Himarë.

Subjektet të cilët zunë hapësirën publike në plazh, ishin të paregjistruar në organet tatimore, ndaj policia ka sekuestruar çadrat dhe shezlongët.

Shtetasit I. S., 32 vjeç dhe A. L., 47 vjeç do të procedohen për veprat penale “Pushtimi i tokës” dhe “Fshehja e të ardhurave”.

Materialet në ngarkim të këtyre shtetasve u referuan në Prokurorinë pranë Gjykatës së Shkallës së Parë Vlorë, për veprime të mëtejshme.

LEXONI GJITHASHTU

• Policia sekuestron 550 çadra dhe shezlongë në Ksamil
• Tragjedia e 18-vjeçarit në Durrës, roja bregdetare tregon si ndodhi ngjarja