Sëmundjet kronike, mjekja: Qëndroni të hidratuar dhe larg temperaturaturave të larta

Temperaturat e larta të ditëve të fundit kanë shtuar numrin e të moshuarve dhe pacientëve kronik në dyert e mjekut të familjes. Ankesat e tyre lidhen kryesisht me luhatjet e tensionit por edhe rënia e nivelit të sheqerit tek diabetikët, ndërsa shkak duket se është ekspozimi në oraret e pikut.

“Ka luhatje në pacientë kronikë  që janë hipertensiv, diabetik. Pacientët duhet të tregojnë shumë kujdes të jenë të hidratuar përtej mjekimit që ata marrin. Gjëja më e mirë është të mos ekspozohen në temperatura të larta”, tha Antia Haxhiraj, mjeke familje.

Qëndrimi në mjedise të freskëta është këshilla kryesore e mjekes, por sigurisht kërkon të bëhet kujdes me përdorimin e kondicionerit pasi mund të ketë pasoja.

“Gjëja më e parë është tharja e mukozave, na fillojnë problemet me hundët, me veshët, por dhediferenca e temperaturave brenda për brenda shtëpisë nuk bën mirë, sidomos për të sëmurët kronikë”, shtoi Haxhiraj.

Konsumimi i ujit por edhe i ushqimeve të lehta me bazë fruta dhe perime mbetet këshilla bazë e çdo mjeku për të gjitha moshta gjatë stinës së verës.

LEXONI GJITHASHTU:

• Largohen nga parlamenti në shtator, 82 deputetë do marrin gjysmën e pagës për 3 vite
• Rrugë e re 22 km në jugperëndim të Tiranës, nis në Mullet dhe mbaron në Kashar