Serbi| Shaip Kamberi takohet me Vuçiç: Shqiptarët kërkojnë respektimin e të drejtave

Deputeti i vetëm shqiptar në Serbi, Shaip Kamberi, ka zhvilluar një takim ditën e sotme me presidentin Aleksandër Vuçiç, në kuadër të organizimit të qeverisë së re serbe.

Kamberi ka deklaruar se pas 7 takimeve të zhvilluara në kohë të ndryshme me presidentin serb, problematikat të cilat diskutohen janë të njëjta dhe zgjidhja për to vazhdon të mos jepet.

Përmes një postimi në rrjetin social “X”, Kamberi sqaron se i ka bërë të qartë Vuçiçit që shqiptarët në Serbi nuk kanë qëllim kryesor arritjen e posteve qeveritare, por respektimin e të drejtave të tyre dhe ndaljen e diskriminimit etnik.

Reagimi i Kamberit:

Në takimin e thirrur nga presidenti Vuçiç, unë rikonfirmova qëndrimin tonë: “Ne nuk po kërkojmë poste qeveritare në nivel shtetëror. Fokusi ynë i vetëm është avancimi i të drejtave të shqiptarëve! “Diskriminimi duhet të ndalet, diplomat duhet të njihen. Duhet të fillojë trajtimi i barabartë.

LEXONI GJITHASHTU:

• Zelensky në Tiranë| Nga Vuçiç te Erdogan, të pranishmit dhe fokusi i diskutimeve
• Kamberi: Shqiptarët në Preshevë të shpërndarë, kur ngre zërin më kritikojnë