“Serbia po bëhet gati për ndërhyrje në Kosovë”, eksperti zbulon datat dhe skenarin

Eksperti i sigurisë Drizan Shala ishte këtë të mërkurë i ftuar në Euronews Albania për të folur rreth asaj që po ndodhin në Ballkanin Perëndimor.

Ai tha se ka mundësi që Serbia të sulmojë Rusinë. Sipas tij madje janë disa data në tavolinën e Vuçiçit, i cili është treguar kohët e fundit shumë i ashpër në lidhje me qëndrimet e tyre pro Kosovës.

“Ku do të qendrojë dhe si do të ndodh dhe kur mund të ndodh, këto janë disa çështje variable. Mund të presim veprime të caktuara para mbajtjes së zgjedhjeve në parlamentin europian të bashkimit europian apo gjatë pjesës zgjedhore.

Ndoshta do të kemi më 24 shtator në 1-vjetorin e Banjskës një aktivitet të caktuar të cilin e ka proklamuar Vuçiç, ose do të lidhet me dy data të tjera të rëndësishme siç është data e fillimit të zgjedhjeve në SHBA apo në ditën e zgjedhjeve që planifikohen në fillim të 2025.

Janë shumë data në tavolinë. Çfarë mund të përcaktohet është se lufta Ukrainë- rusi, po i jep atribut dhe impakt të caktuara edhe në Beograd. Ukraina është duke humbur në territorin e vetë. Rusia është duke avancuar. Nga këto zhvillime Vuçiç ka marrë në konsideratë të kthehet në dialogun për të krijuar botën serbe të cilin e dëshiron prej kohësh edhe kisha ortodokse serbe”,-tha eksperti.

LEXONI GJITHASHTU:

• Pse Macron kërkon luftë me Rusinë? Eksperti zbërthen planin
• Blinken: Kosova dhe Serbia t’i zbatojnë të gjitha zotimet e dialogut të Brukselit