“S’fshiheni dot përjetësisht”, Tabaku: Tregojuni shqiptarëve të vërtetën për Ramën

Deputetja e Partisë Demokratike, Jorida Tabaku akuzoi kryetaren e Kuvendit se ka shkelur rregulloren teksa në mënyrë antikushtetuese i hoqi fjalën gjysmës së deputetëve të opozitës duke e kthyer kuvendin në një zyrë të qeverisë.

Ajo kërkoi që në seancë të ketë mocion me debat pa limit vetëm për çështjen e skandalit me ish-zyrtarin e FBI dhe të bëhet transparencë për t’iu treguar qytetarëve të vërtetën lidhur me përfshirjen e tij në këtë çështje.

“Sot qytetarët shqiptarë kanë nevojë për transparencë, edhe vetë qeverisë i intereson të ketë transparencë, ofrojuni shqiptarët të dinë se cila është e vërteta, nuk mund të fshiheni përjetësisht. Unë vij në Parlament të flas në emër të atyre që më kanë zgjedhur, nuk keni të drejtë të më hiqni fjalën”, tha Tabaku.

LEXONI GJITHASHTU:

• Çështja “McGonigal” | PD-ja kërkesë Kuvendit: Mocion me debat dhe pa limit kohor
• Opozita bllokon foltoren, Vokshi nxjerr videon e Ramës për ish-zyrtarin e FBI