Shehi: Basha të tregojë me sinqeritet të kujt janë paratë, gabimi i Berishës

Deputeti Dashamir Shehi, teksa ka folur për lobimin rus në PD në vitin 2017, ka theksuar se ish-kreu i PD-së, Lulzim Basha, duhet të tregojë me sinqeritet se të kujt janë paratë.

I ftuar në emisionin “Now” në Euronews Albania është shprehur se paratë nuk janë ruse ndërsa tregoi dhe gabimet që po bën pala tjetër që është në krah të kreut të PD-së Sali Berisha.

“Basha ka bërë një sërë gabimesh në këtë mes. Njëherë që s’ka treguar paratë nga janë gjetur, e dyta pse i ka nisur. E quaj gabim se pse Amerika pranon këto paratë e fukarenjve. Ju drejtova Bashës që të tregojë me sinqeritet se kujt janë paratë. Jam shumë i sigurt se nuk janë para ruse. Këto janë përralla.

Këto janë gabimet e Bashës. Por gabimet e grupit anti-Basha që deri dje i lustronin këpucët. I janë turrur duke i thënë spiunë i rusëve. Kjo nuk është e vërtetë. Kjo gjuhë e shfrenuar është shumë e gabuar për opozitën. Rrëshqet në një lloj bataku që nuk rikuperohet më imazhi. Basha ndoshta s’ka gabuar vetëm”- tha ai.

LEXONI GJITHASHTU:  

• Spartak Ngjela braktis emisionin: Më keni thirrur me “non grata”
• ‘Nuk flas me një anti-amerikan’, Ngjela përplaset ashpër me Balliun