Ish-zëdhënësi i NATO-s, Jamie Shea, është shprehur se plani i Presidentit Aleksandër Vuçiç për kthimin e shërbimit të detyruar ushtarak në Seri, është ide jo e mirë, në një moment që vendi ka më shumë nevojë për investime në arsim dhe fusha të tjera.

Komentet Shea i bëri në një lidhje ekskluzive për Euronews Albania, ku tha se çdo opsion ushtarak për zgjidhjen e konflikteve mes Kosovës e Serbisë, duhet të shkaktojë shqetësim, sepse nuk e çon rajonin përpara.

Ai tha gjithashtu se gjatë deklaratave të tij Vuçiç u shpreh se vendi i tij nuk donte luftë, ndryshe nga ajo që ka ndodhur në të shkuarën.

“Vuçiç zgjodhi të fliste publikisht, por është e vështirë të dihet sesa rëndësi u kushton ai fjalimeve publike, që i drejtohet kryesisht audiencës së brendshme. Sesa do të ndikohë ajo në dialogun mes Prishtinës dhe Beogradit, sidomos pas vizitave të Lajçak në Kosovë e Serbi. Por ka edhe konotacione negative, të cilat nuk ndihmojnë që dialogu 2-palësh të shkojë përpara.

Çdo opsion ushtarak duhet të shkaktojë shqetësim, sepse nuk e çon rajonin përpara, por do të ishte negative për Serbinë vetë, për Kosovën dhe gjithë rajonin. Presidenti Vuçiç tha edhe se nuk duam luftë, sikurëse e kemi parë në të kaluarën.

Dhe opsionet ushtarake nuk janë të vlefshme. Megjithatë Vuçiç bëri të ditur se planifikon të kthejë shërbimin e detyrueshëm ushtarak në Serbi. Shpresoj që ai të mos flasë për kërcënime ndaj vendit të tij, për të justifikuar fuqizimin e Forcave të Armatosura dhe shpenzimeve ushtarake, në një kohë kur qytetetarët serbë kanë nevojë për investime në arsim e fusha të tjera”, tha Shea.

LEXONI GJITHASHTU:

• Kërcënon Putin: Nëse Ukraina na sulmon me armë perëndimore, do jemi në luftë me NATO
• Lituania kërkon që NATO të rrëzojë dronët rusë mbi Baltik