Shifra e kripur, dentistja: 10 milionë kushton të bësh dhëmbë sa më cilësorë

Sipas studimit të fundit të OBSH 14,9% e të rriturve mbi 15 vjeç në vendin tonë kanë probleme të ndryshme me dhëmbët, ndërsa 33,7% e personave mbi 60 vjeç i kanë humbur të gjithë dhëmbët e tyre.

Stomatologia Ersida Calja tha në emision GoodMorning Albanians se arsyeja pse mbi 60-vjeçarët kanë mungesë të dhëmbëve lidhet me kushtet social ekonomike të tanishme dhe në të shkuarën.

Ajo tregoi se vendosja e dhëmbëve kushton nga 150 mijë lekë të vjetra me proteza të lëvizshme në 10 mln lekë të vjetra me implante dentare.

“Parandalimi nuk kushton ndaj mjekët këmbëngulin te vizita dhe kontrollet që kostot të jenë minimale. Në momentin që problemet  agravojnë dhe kur humbasin të gjithë dhëmbët dhe rehabilitimi total kushton më shumë.  Ka kosto, që nga zgjidhjet bazike me proteza që hiqen dhe vihen që janë zgjidhja më ekonomike dhe nisin nga 150 mijë lekët të vjetra deri 1 mln lekë të vjetra. Por ka edhe trajtime që shkojnë deri në 10 mln lekë të vjetra, në varësi të zgjedhjes nga pacienti. Zgjidhja optimale është me implante dentare”, tha dentistja.

LEXONI GJITHASHTU:

• Droga dëmton dhëmbët! Dentistja tregon si i dallojnë pacientët që e konsumojnë…
• Raporti i OBSH: 1 në 3 shqiptarë mbi 60 vjeç pa dhëmbë