Shisnin lëndë narkotike në lokale të ndryshme të Vlorës, arrestohen 2 persona

Dy persona J. A., 22 vjeç, dhe E. H., 28 vjeç,  të cilët shisnin lëndë narkotike kanabis në lokale dhe lagje të ndryshme të Vlorës kanë përfunduar në pranga.

Policia ka njoftuar gjithashtu se gjatë kontrolleve ka sekuestruar 100 doza kanabisi, një shumë parash të dyshuar si të përfituar nga kjo veprimtari kriminale, 1 automjet dhe 2 celularë.

Nga hetimet ka rezultuar se këta shtetas, pasi siguronin lëndën narkotike kanabis, e përgatitnin atë në doza me qëllim shitjen, kryesisht në lokale, në lagje të ndryshme të qytetit të Vlorës.

Materialet procedurale i kaluan Prokurorisë pranë Gjykatës së Shkallës së Parë Vlorë, për veprime të mëtejshme, për veprën penale “Prodhimi dhe shitja e narkotikëve”.

LEXONI GJITHASHTU:

• Gjendet i vdekur një 35-vjeçar në paraburgimin e Reçit (Emri)
• Dështon seanca për Dritan Dajtin, nuk shoqërohet në gjykatë për arsye sigurie