Shkaktoi aksidentin ku humbi jetën 18-vjeçari, arrestohet 21-vjeçari në Librazhd

Policia e Librazhdit ka arrestuar drejtuesin e mjetit që shkaktoi aksidentin me 1 të vdekur dhe 2 të plagosur 2 ditë më parë në rrugor në aksin “Librazhd-Përrenjas”.

Në pranga është vënë shtetasi Meglin Zeneli 21 vjeç, banues në fshatin Qukës, Librazhd, pasi dyshohet se ka humbur kontrollin mbi drejtimin e automjetit dhe për këtë shkak automjeti ka dalë nga rruga.

Për pasojë humbi jetën njëri nga pasagjerët e këtij automjeti, shtetasi Dorian Belba, 18 vjeç si dhe kanë mbetur të dëmtuar 2 pasagjerët e tjerë dhe drejtuesi i automjetit, të cilët janë në kujdesin e mjekëve, jashtë rrezikut për jetën.

LEXONI GJITHASHTU:

• E rëndë| Gjyshi aksidenton për vdekje mbesën 2-vjeçe në oborrin e shtëpisë
• E rëndë| Makina humbi kontrollin dhe përplaset. Vdes 18-vjeçari, plagosen 3 (Emrat)