Shoferi i Unazës me diabet dhe zemër, a ishte në gjendje të drejtonte mjetin?

Një aksident i shumëfishtë ka ndodhur të hënën në zonën e Shallvareve. 9 makina dhe autobusi i linjës së “Unazës” janë përfshirë.

Dëshmia paraprake e shoferit të autobusit tregon se ai vuan nga zemra dhe nga diabeti. Sipas tij, në momentin e aksidentit nuk ka qenë i vetëdijshëm.

“Nuk e mbaj mend fiks çfarë ka ndodhur në atë moment. Vuaj nga zemra dhe nga diabeti,” – ka deklaruar shoferi.

Gëzim Hoxha, ekspert i sigurisë rrugore tha se në momentin e aksidentit shoferit mund t’i ketë rënë sheqeri.

“I kemi të kequshqyer, i kemi grupmosha të mëdha shoferët e autobusëve, pra duhet kontrolluar. Nuk lejohet,” – u shpreh Hoxha.

Sipas ekspertit ne nuk bëjmë studime që në bazë të tyre të dalim në konkluzione dhe të marrim masa.

Nga aksidenti kanë mbetur të plagosur 10 persona.

LEXONI GJITHASHTU:

• Autobusi i ‘Unazës’ me probleme teknike? Eksperti Gëzim Hoxha analizon aksidentin
• “Nuk mbaj mend asgjë, vuaj nga zemra”, flet shoferi i autobusit të Unazës