“Shok” në “San Siro”: Udinese përmbys Interin, Juventusi marshon me fitore

Në raundin e dytë të Serie A, Interi shkaktoi zhgënjim për tifozët e tij duke u mundur 1-2 në shtëpi nga Udinese.

Ekipi i trajnerit Cristian Chivu kaloi i pari në epërsi me golin e Dumfries, por mysafirët treguan karakter dhe përmbysën rezultatin falë golave të Davis dhe Atta.

Interi e kërkoi me insistencë barazimin, por pa sukses, duke humbur mundësinë për të ruajtur formën pas fitores së thellë 5-0 ndaj Torinos në javën e parë.

Juventusi vijoi me fitore duke mposhtur Genoan 1-0 në transfertë ku goli vendimtar erdhi nga Dusan Vlahovic në minutën e 73-të me një goditje me kokë, që i siguron bardhezinjve tri pikë të rëndësishme dhe fitoren e dytë radhazi, pas asaj ndaj Parmës.

Në kryeqytet, Lazio dominoi ndaj Veronës, duke fituar bindshëm 4-0 në stadiumin “Olimpico”. Autorë të golave ishin Guendouzi, Zaccagni, Castellanos dhe Dia, ndërsa trajneri Sarri përfshiu në lojë edhe mbrojtësin Hysaj.

Në ndeshjen e ardhshme Interi dhe Juventusi do të përballen në një duel tradicional në Torino.

LEXONI GJITHASHTU: 

• Çështja “Lookman”, futbollisti refuzoi ofertën e Arsenalit për Interin
• Jashari: Milan është ëndërr e bërë realitet për mua dhe familjen time