Shorti i kupës së Shqipërisë| Vllaznia përballet Egnatian, Kukësi sfidon Tiranën

Dy ekipet të cilat kryesojnë superligën shqiptare do të përballen sërish me njëra-tjetrën këtë herë në kupë.

Bëhet fjalë për Egnatian dhe Vllazninë, të cilat janë shortuar përballë njëra-tjetrës në gjysmëfinalen e kupës. Në anën tjetër, Kukësi pas kualifikimit në sfidën me Partizanin, do të përballet me një tjetër ekip kryeqytetas si Tirana.

Këtë të martë shorti është mbajtur në ambientet e FSHF ku të pranishëm ishin përfaqësues të 4 ekipeve si dhe drejtori i departamentit të garave në FSHF, Marjus Sulejmani.

Drejtori sportiv i Vllanisë, Tefik Osmani ka pohuar se shkodranët nuk tremben, ndërsa kupa mbetet një synim këtë sezon.

“Vllaznia gjithmonë ka qenë për të dy trofetë, që kur është krijuar klubi. Unë për veten time se kam përmendur asnjëherë fjalën titull, euforia ka kohë që tek ne është me këmbë në tokë sepse kemi dhënë në çdo ndeshje maksimumin do të vazhdojmë të qëndrojmë kështu por nuk kemi siguruar asgjë”, tha Tefik Osmani, drejtor sportiv i Vllaznisë.

Shefi i mediave tek rrogozhinasit vlerësoi shortin.

“Ky short, një ndeshje që do rrisë cilësinë, tregon qëndrueshmërinë e Superligës. Ne nuk ka tremb askush, kupa mbetet objektiv”, tha Xhevdet Zekaj, drejtor i mediave, Egnatia.

Ndeshjet e para do të luhen më 3 prill, ndërsa ato të kthimit më 24 prill.

LEXONI GJITHASHTU:

• “Shqipëria, ekip i rrezikshëm”- Trajneri kroat analizon shortin: Grupi më i vështirë
• Presidenti Duka për shortin në Itali: S’na ka falur njeri gjë, tentojmë gjithçka