Shpopullimi, Peqini po zbrazet! Të rinjtë po e braktisin qytetin

Peqini po zbrazet! Shumë qytetarë të tij, janë detyruar ta braktisin. Sapo hyn në qendër, vërehen rrugë të qeta, pothuajse bosh, ku vetëm ndonjë i moshuar shfaqet rrallë.

Ata pak banorë që kanë mbetur rrëfejnë se të rinjtë të gjendur mes pasigurisë për jetën, pa mundësi punësimi janë larguar prej vitesh.

“Këto kushte janë, janë larguar. Po ekonomia,” shprehet i moshuari.

Ikja e të rinjve për një jetë më të mirë, ka lënë qytetin, vetëm me të moshuar që sot ndihen më të vetmuar se kurrë. Vetmisë i shtohen edhe vështirësitë ekonomike, pasi me pensionet që marrin, thonë se nuk e përballojnë dot muajin.

“Këtu është e dukshme por ne kemi ngel vetëm. Ka ardhur koha të shtohen azilet se s’kemi kush na shërben”, tha një banor tjetër.

Peqini është një nga zonat ku shpopullimi ndjehet jo vetëm në statistika, por edhe në përditshmëri – në rrugët e qeta, bizneset e mbyllura dhe shtëpitë që mbeten bosh.

LEXONI GJITHASHTU:

• Bisedimet në Florida, Rubio: Qëllimi është fundi i luftës dhe një Ukrainë sovrane
• Themeluesi i Dignitas i jep fund jetës përmes vdekjes së asistuar